વર્ચ્યુઅલ માધ્યમથી મુખ્યમંત્રી શ્રી ભૂપેન્દ્રભાઈ પટેલના પ્રેરક ઉદબોધનને નિહાળતા અધિકારીઓ, કર્મચારીઓ જિલ્લાના વિવિધ વિભાગોની ઉત્કૃષ્ટ કામગીરીને બિરદાવતા ઉચ્ચ અધિકારીઓ. દેશના પૂર્વ વડાપ્રધાન અને ભારત રત્ન દિવંગત શ્રી અટલ બિહારી વાજપેઈની જન્મ જયંતી નિમિત્તે તેમની સ્મૃતિમાં દર વર્ષે ૨૫ ડિસેમ્બરના રોજ, "સુશાસન દિવસ" ની ઉજવણી કરવામાં આવે છે. આ પ્રસંગે છોટાઉદેપુર જિલ્લા સેવાસદન ખાતે જિલ્લા વિકાસ અધિકારી શ્રી ગંગાસિંહના અધ્યક્ષ સ્થાને "સુશાસન દિવસ" ની જિલ્લા કક્ષાની ઉજવણી કરવામાં આવી હતી.